Gryyfne bajtle – ślonski tydziyń za nami

Brif do mutry i fatra…

Cołki ostatni tydziyń poznowali my ślonsko tradycyjo i godka. Godali my już na koniec echt jak hanysy. Nawet my mieli okazjo pooglondać stare klamoty, co w kożdym ślonskim domu downo tymu stoły. Łobejrzeli my tysz bojka o dziołszce w czyrwonyj czopecce, czyli „Czerwonego kapturka” – nie inaczyj, jak po ślonsku. Potym my trocha zgłodnieli, wiync zabrali my się za piecynie kołocza a innego dnia kulali my kluski . Do rolady i modryj  kapusty muszom przeca być. Tym kołocym my wos potym w holu poczynstowali, wiync wiycie jaki boł dobry.

Kożdy bajtel dobrze wiy, że u nos  jest corne złoto, wiync synki zrobioły gryfne czopki takie jak noszom hajery na grubie a dziołchy skubały wianki, tak jak boło w tyj piosynce: „Wiła wianki i wrzucała je do falującej wody…” . Nawet nie wiycie ile my szpasu przi tym mieli.  Jak już my się narobili, to poszli my do kina. Szpecjalnie do nos przijechało. Kupili my bilety za dwa uśmiechy i poszli na bojka, a jako iberaszung tam boła! Łobejrzeli my jak się robi popcorn z majsu a potym my go  smakowali.

 Kożdy wiy, że ślonzoki majom srogie serca, wiync jak nos ros Czyrwony kapturek ło pomoc poprosioł, to my nie odmówili i pomogli mu w robieniu krałz z kompotym. Wiycie taki z jabek, śliwek i gruszek. Bydzie dobry, dejcie se pedzieć. Potym my się pobawili w takie gryfne zabawy, co się pierwyj bajtle bawioły – jak to godajom podchody. Śnupali my po cołkim  placu nasego przeczkola i szukali tego, co kapturek w brifie do nos napisoł. A to kozoł grziba znalyś a to rasikona czyli  po waszymu koniczyna. Wszysko my znodli a na kuńcu był geszynk – chrupki.  Taki Ślonsk, to się nom podobo!